Arrestohen pesë persona në Mitrovicë pas një mosmarrëveshje, njëri prej tyre kanos me vrasje zyrtarin policor

10:01 | 7 Mars 2024
E.G

Policia e Kosovës ka njoftuar se pas një mosmarrëveshjeje pesë persona janë përleshur mes vete, të cilët kanë ekspozuar armë.

Sipas njoftimit, në vendin e ngjarjes kanë dalur njësitet polcore ku është gjetur një armë, shkruan Arbresh.info.

“SULM NDAJ PERSONIT ZYRTAR&ARMËMBAJTJE PA LEJE Rr. Azem Galica, Mitrovicë Jugu 06.03.2024, 09:30. Është raportuar se pas një mosmarrëveshje janë përleshur në mes vete, pesë të dyshuar meshkuj kosovarë, ku disa nga ta kanë ekspozuar armë. Në vendin e ngjarjes kanë dalë njësitet policore ku është gjetur një armë.”, thuhet në raportin e policisë.

Nga pesë të dyshuarit, policia ka bërë të ditur se njëri nga ta ka kanosur me vrasje njërin nga zyrtarët policor.

Pas intervistimit me vendim të prokurorit, tre nga të dyshuarit janë liruar në procedurë të rregullt, ndërsa dy të tjerë janë dërguar në mbajtje. /Arbresh.info/